الا ياناس تكفون اسكتو وخلوني اناظر زين
اشوف النور مقبل ومادريت النور وش جابه
انا في ليل ولا نهار والا هي تخون العين
او ان الوقت يسرقني وعلامه الوقت وش صابه
انا ما قد خبرت الشمس تشرق في سواد الليل
ولا قد شفت طير بليل شج الصوت في غابه
ولا قد شفت شمس جنب بدر في فلك هالكون
عدا الليله اشوف الشمس جنب البدر تزهابه
وترى حبيبتي بصحاري واقفه وتحير الانظار
خجل منها القمر وقفى وكلن يبدي اعجابه
غزال بالفخر تمشي تنافس بالحلى الغزلان
تنادي الناس للفرحه وهي ذا الفرح واسبابه
وبوها راعي الشيمه والجود والتقدير
شجاع معتزت ربعه ترى ما تعتزى الا به
تربت في عيون الجوهره درة جمال وزين
وهذي امها ربي عطاها اللي تهقوى به
تخيل جوهره ربت من الالماس الماسه
وراحت تفتخر فيها وكلن يبدي اعجابه
تربت في عفاف وطهرفي بيت الوفى والطيب
شريفه والشرف تاج لحبيبتي دوم تزهابه
رزقها الله بفارس نشمي وراعي دين
حريص لطاعت المولى ويقرا دايم كتابه
هلا بالفارس اللي اقبل معه مهره غشاها النور
اصيل لنتشل سيفه تخاف اعداه وتهابه
اصيل وابن اصول وفي المراجل دايم له دور
كريم ومايصك لكل من نصاه بابه
عرفت شلون تختار الحلى والزين
ومن يجهل نصيبه الصقر ليمن صاب مخلابه
الا يااصيل ناظر ومد الشوف شوف الناس تملى قصور
تشاركك الفرح وانت الفرح واسبابه
رفعنا لعايلة العريس مع العروس لوح واعلام
وكتبنا بكل لوح من التهاني شعر وكتابه
الا ياالله تسعدهم وتم فرحم بالخير
وعنهم يا الهي لفعل ماتحبه وترضابه
وعنهم يا الهي لفعل ماتحبه وترضابه
الجمعة أكتوبر 10, 2008 6:17 pm